പെരുവാരനാഥാ
സര്‍വ ചരാചര രക്ഷകനേ
പ‍ഞ്ചമഹാ
ഭൂത പാലകനേ
ശ്രീ പരമേശ്വരന്‍
ത്രൈലോക പാലകന്‍
പരിവാരങ്ങളോടൊത്ത് വാഴുന്നിടം.
ഓം മഹാ ദേവാ, ശ്രീ മഹാ ദേവാ,
പെരുവാര നാഥാ കൈ തൊഴുന്നേൻ.
തൃക്കോവിലില്‍ ശിവകാന്ത
ശ്രീപാര്‍വ്വതി
കന്നിമൂലയില്‍ ഗണാധിപന്‍
ഏകദന്തന്‍
അന്നപൂര്‍ണ്ണേശ്വരി
പരമാത്മസ്വരൂപിണി
പരിവാരങ്ങളോടൊത്ത് വാഴുന്നിടം.
ശക്തിയും, മുക്തിയും കൈവരുത്തീടണേ
പെരുവാരം അമരാപുരിയാക്കണേ.
ഓം മഹാ ദേവാ, ശ്രീ മഹാ ദേവാ,
പെരുവാര നാഥാ കൈ തൊഴുന്നേൻ.
മന്നത്ത് ശിവാത്മജന്‍
മയില്‍ വാഹനന്‍
തിരുനടയില്‍ നേര്‍ക്ക് നേര്‍ കോവിലുകള്‍
ചന്ദ്രകലാധരന്‍
താരകാസുരാഹരന്‍
പരിവാരങ്ങളോടൊത്ത് വാഴുന്നിടം.
കദനപ്പെരുംങ്കടല്‍ കടത്തീടണേ
മഹാമാരികളേശാതെ കാത്തീടണേ
സദാശൂല പാലകാ
സര്‍വ്വ സംഹാരകാ
ആധിയും വ്യാധിയും ഹരിച്ചീടണേ
ഓം മഹാ ദേവാ, ശ്രീ മഹാ ദേവാ,
പെരുവാര നാഥാ കൈ തൊഴുന്നേൻ.
എം.എന്‍.സന്തോഷ്
No comments:
Post a Comment