ശ്രീ വി.ഡി.സതീശന് നല്ലൊരു ഭാവിയുണ്ട്

ജാതിയുടെയും,മതത്തിന്റെയും പലവിധ സ്വാധീനങ്ങളുടെയും വലയത്തീൽ പെടാത്തതുകൊണ്ടാണ് ശ്രീ വി.ഡീ.സതീശന് ഇത്ര ചങ്കൂറ്റത്തൊടെ സത്യം വിളിച്ചു പറയാന് കഴിഞ്ഞത്. മുസ്ലിം,ക്രിസ്ത്യാനി ,നായര്, മറ്റു പിന്നൊക്ക ജാതി അടിസ്ഥാനത്തില് മന്ത്രി പദവി വീതം വെക്കുന്ന സംസ്കാരം കൊണ്ഗ്രസ്സില് മാത്രമേ ഉണ്ടാവുകയുള്ളു. മന്ത്രി സഭാ രൂപീകരണത്തിലൂടെ കൊണ്ഗ്രസ്സ് നേത്രുത്വം സല് പ്പേരു കളഞ്ഞു കുളിച്ചിരിക്കുകയാണ്.പെട്ടിയും തൂക്കി നടന്നവറ്ക്ക് പൊലും സ്ഥാനം കൊടുത്തു എന്ന് ശ്രീ. വി.ഡി. സതീശന് പറഞ്ഞത് ഒരു പരിധി വരെ സത്യമാണ്. മന്ത്രി സഭക്ക് സൽ‌പ്പേര് നൽകാന് കഴിയുന്നവരെയല്ല കൊണ്ഗ്രസ്സിനാവശ്യം എന്നു അവര് തന്നെ തെളിയിച്ചു കഴിഞ്ഞു.
ശ്രീ സതീശനെ പറവൂരില് തൊല്പിക്കാന് ലൊട്ടറി മാഫിയക്ക് കഴിഞ്ഞില്ല. പക്ഷെ മന്ത്രിക്കസേരയിലിരുത്താതെ പകരം വീട്ടാന് അവര്ക്ക് കഴിഞ്ഞു എന്ന വസ്തുത ഞെട്ടിപ്പിക്കുന്നതാണ്. കൊണ്ഗ്രസ്സ് നേത്രുത്വം ലൊട്ടറി രാജാക്കന്മാരുടെ അജ്ഞാനുവര്ത്തികളാണെന്ന സത്യം മറച്ചു വെക്കാനാകുമൊ ?ഏതൊക്കെ കൊണ്ഗ്രസ്സ് നേതാക്കന്മാര് തിരഞ്ഞെടുപ്പിന്റെ ചെലവ് ലൊട്ടറി മാഫിയയില് നിന്നും കൈപ്പറ്റിയിട്ടുണ്ടെന്ന് അന്വേഷിക്കണം.അതിന്റെ പ്രത്യുപകാരമാണല്ലൊ സതീശന് നല്കിയ അവഗണന !
ഒരു ചാനല് അഭിമുഖത്തില് ശ്രീ സതീശന് പറയുകയുണ്ടായി : “ കേരളത്തിലെ കൊണ്ഗ്രസ്സ് നേത്രുത്വം എന്നെ ഇഷ്ടപ്പെടുന്നുണ്ടെന്ന് ഞാന് കരുതി.” ബഹുമാനപ്പെട്ട ശ്രീ വി. ഡി.സതീശന് , കഴിഞ്ഞ നിയമ സഭയില് ഒരു പ്രതിപക്ഷ മുണ്ടെന്ന് ജനം അറിഞ്ഞിരുന്നത് അങ്ങ് എടുത്ത ധീരമായ നടപടിക്രമങ്ങളിലൂടെയായിരുന്നു.താങ്കളെ മുന്നിറുത്തിയാണല്ലൊ ശ്രീ ഉമ്മന്ചാണ്ടിയും കൂട്ടരും നിയമ സഭയില് അങ്കം നടത്തിയിരുന്നത്.അപ്പൊള് അവറ്ക്ക് താങ്കളെ വേണമായിരുന്നു.ഒരു വാക്ക്, കേരളത്തിന് അങ്ങയെപ്പൊലുള്ളവരെ ഇനിയും ആവശ്യമാണ്. ഈ നാട് അങ്ങയെ ഇഷ്ടപ്പെടുന്നു.പ്രത്യേകിച്ചും പറവൂരിലെ ജനങ്ങള്.

ഉറുമി :കഥാഖ്യാനം ദുര്‍ഗ്രഹം

വാസ്കൊഡ ഗാമയെ വധിക്കാന്‍ മനസ്സില്‍ ജ്വലിക്കുന്ന രൊഷവും, സ്വര്‍ണ്ണത്തില്‍ തീര്‍ത്ത ഉറുമിയും കൈയിലേന്തി പൊരാട്ടത്തിനിറങ്ങിയ കേളുനായര്‍ എന്ന അപ്രശസ്തനായ ഒരു ധീര യുവാവിന്റെ സാഹസിക ജീ‍വിതമാണ് ഉറുമി എന്ന ചലച്ചിത്രത്തിന്റെ കഥയുടെ കാതല്‍। കേളുനായരെപ്പൊലെ ധീരരായ നിരവധി പൊരാളികള്‍ ഈ മണ്ണിനു വേണ്ടി രക്തം ചീന്തിയിട്ടുണ്ട് എന്നത് ഒരു ചരിത്ര സത്യമാണ്। അവരില്‍ പലരും ചരിത്ര താളുകളില്‍ ഇടം നേടാതെ വിസ്മരിക്കപ്പെടുകയും ചെയ്തിട്ടുണ്ട്। അത്തരം ഒരു ധീരനായ പൊരാളിയുടെ ജീവിതം തേടിപ്പിടിച്ച് ചലച്ചിത്രം ചമച്ച ഈ സിനിമയുടെ ശില്‍പ്പികളെ അഭിനന്ദിക്കുന്നു.സന്തൊഷ് ശിവന്‍ എന്ന ചലച്ചിത്ര പ്രതിഭ ഈ സിനിമയില്‍ കാഴ്ച്ച വെച്ച സംവിധാനത്തിന്റെയും, ഫൊട്ടൊഗ്രഫിയുടെയും മികവ് ദേശീയ തലത്തില്‍ അംഗീകരിക്കപ്പെടും എന്ന് കരുതുന്നു.
കഥ പറയുന്ന രീതി ദുര്‍ഗ്രഹമായിപ്പൊയി എന്നു തൊന്നുന്നു.കേളുനാ‍യര്‍ ചരിത്ര പാഠപുസ്തകങ്ങളില്‍ പ്രതിപാദിക്കപ്പെടാത്ത ഒരു വ്യക്തിയാണ്. അത്തരം ഒരു വ്യക്തിയുടെ ചരിത്രം അനാവരണം ചെയ്യുംബൊള്‍ വളരെ വ്യക്തത വേണം.തിയറ്ററിലിരിക്കുംബൊള്‍ , കഥക്കൊപ്പം മനസ്സിനും, ചിന്തക്കും സഞ്ചരിക്കുവാന്‍ പലപ്പൊഴും പ്രയാസം നേരിടുന്നു.സിനിമയിലെ പല സന്ദര്‍ഭങ്ങളും, സ്ഥലവും, സംഭവങ്ങളും സമയവുമായി കൊര്‍ത്തിണക്കിയിരിക്കുന്നത് യുക്തിക്ക് നിരക്കുന്നില്ല. ഇങ്ങനെ ഒരു ഫ്ലാഷ് ബാക്ക് വേണമായിരുന്നൊ? ഫ്ലാഷ് ബാ‍ക്കിലെ നടന്മാര്‍ തന്നെ ചരിത്രത്തിലെ കഥാപാത്രങ്ങളായി ചമയുംബൊള്‍ മൊത്തത്തില്‍ ഒരു കണ്‍ഫ്യൂഷന്‍.
കേളുനായര്‍ വിവാഹിതനാവും മുന്‍പ് വീരചരമം അടയുന്നു.അറക്കല്‍ ഐഷയുമായി ഉണ്ടായിരുന്ന ബന്ധത്തില്‍ കുട്ടി ജനിച്ചിട്ടുണ്ടാകാം! ഈ തലമുറയിലെ കണ്ണീയാണൊ ക്രിഷ്ണദാസ് ?വനാന്തരത്തിലെ ഗുഹയില്‍ കണ്ടുമുട്ടിയ ‘കാട്ടുവാസി’ കേളുനായരുടെ ജീവിത കഥ ദാസിനൊട് ഇത്ര സ്പഷ്ടമായി പറഞ്ഞു കൊടുക്കുന്നത് എങ്ങിനെയാണ്? പതിനഞ്ചാം നൂറ്റാണ്ടിലെ ചരിത്രം ഇരുപത്തിയൊന്നാം നൂറ്റാണ്ടില്‍ ജീവിക്കുന്ന ‘കാട്ടുവാസി’ ഇത്ര വ്യക്തമായി എങ്ങനെ അറിഞ്ഞു?
മികച്ച ഒരു ചരിത്ര സിനിമയായി ഉറുമി പ്രകീര്‍ത്തിക്കപ്പെടും.സിനിമ തുടങ്ങിയാല്‍ തീരും വരെ സംഭ്രമ ജനകം എന്നു വിശേഷിപ്പിക്കാം.ഏതാനം മണിക്കൂറുകള്‍ നമ്മള്‍ പതിനഞ്ചാം നൂറ്റാണ്ടിലൂടെ സഞ്ചരിക്കുകയാണ്.വാസ്കൊഡ ഗാമയുടെ ‘കാല്‍പ്പാടും’ (കാപ്പാട്) ശവകുടീരവുമൊക്കെ നമ്മള്‍ കാത്തുസൂക്ഷിക്കുംബൊള്‍ , കൊല്ലും, കൊലയും നടത്തി രക്തരക്ഷസ്സിനെപ്പൊലെ അട്ടഹസിച്ച ഗാമയുടെ ക്രൂര മുഖം ഈ ചിത്രത്തില്‍ കാണാം.കേളുനായരെപ്പൊലുള്ള ചുണക്കുട്ടികള്‍ ഈ മണ്ണില്‍ ജീവിച്ചിരുന്നു എന്നതിന്റെ ചരിത്രത്തിന് ഒരു ചലച്ചിത്ര സാക്ഷ്യമാണ് ഈ സിനിമ. ഈ മുഖങ്ങള്‍ പരിചയപ്പെടുത്തിയ , മികച്ച ഒരു ചരിത്രസിനിമ കൈരളിക്ക് കാഴ്ച്ച വെച്ച ഇതിന്റെ ശില്‍പ്പികള്‍ക്ക് അഭിനന്ദനങ്ങള്‍!

എന്‍ഡൊസള്‍ഫാന്‍ : കേരളജനത നിരാഹാര സത്യാഗ്രഹം നടത്തണം

എന്ഡൊസള്‍ഫാന്‍ ഹാനികരമാണെന്നതിന് തെളിവ് ഹാജറാക്കണമെന്ന കേന്ദ്ര പരിസ്ഥിതി മന്ത്രിയുടെ ആവശ്യവും, എന്‍ഡോസള്‍ഫാന്‍ ഉപയൊഗിക്കുന്ന മറ്റു സംസ്ഥാനങ്ങളില്‍ കേരളത്തിലെപ്പൊലെ പ്രശ്നങ്ങളില്ല എന്ന കേന്ദ്ര ക്രിഷി മന്ത്രിയുടെ പ്രഖ്യാപനവും ക്രൂരവും, കേരളത്തൊടുള്ള വെല്ലുവിളിയുമാണ്. അംഗവൈകല്യങ്ങളൊടെ ജനിക്കുകയും, അങ്ങനെ ഇപ്പൊഴും ജീവിക്കുകയും ചെയ്യുന്ന ആയിരക്കണക്കിന് ഹതഭാഗ്യരുണ്ട് കാസര്‍കൊഡ് ജില്ലയില്‍. അവിടുത്തെ ജനങ്ങളുടെ രക്തത്തില്‍പ്പൊലും എന്‍ഡൊസള്‍ഫാന്റെ അംശമുണ്ടെന്ന് പഠന റിപ്പൊര്‍ട്ടുകള്‍ സാക്ഷ്യപ്പെടുത്തുന്നു.മാരകമായ ഈ കീടനാശീനി സ്രുഷ്ട്ടിച്ച വിപത്തിന്റെ കരളലിയിപ്പിക്കുന്ന കാഴ്ച്ചകള്‍ കണ്ടിട്ടും കണ്ണടച്ചിരുട്ടാക്കുകയാണൊ ഇവര്‍ ചെയ്യുന്നത് ? ജനങ്ങളുടെ ജീവിതവും , ആരൊഗ്യവും സംരക്ഷിക്കുവാന്‍ ഉത്തരവാദപ്പെട്ട ഇവര്‍ ആര്‍ക്കു വേണ്ടിയാണ് വാദിക്കുന്നത് ?ഗുരുതരമായ ഈ പ്രശ്നത്തിന്റെ വികാരം കേരള സമൂഹം ഉള്‍ക്കൊണ്ടു കഴിഞ്ഞു.ഒറ്റപ്പെട്ട് പ്രസ്ഥാവനകളൊ, പ്രസംഗങ്ങളൊ അല്ല ഇനി വേണ്ടത്. കേരള ജനത ഒന്നടങ്കം സത്യാഗ്രഹ സമരം നടത്തണം. വിജയം വരെ ഉപവസിക്കണം.നിസ്സാര കാര്യങ്ങള്‍ക്കു വേണ്ടിപ്പൊലും ഹര്‍ത്താല്‍ നടത്തി നാടു നിശ്ചലമാക്കാന്‍ ഒരുംബെടുന്ന നേതാക്കളെ, നിങ്ങളൊന്ന് ആഹ്വാനം ചെയ്തു നൊക്കൂ, നമുക്ക് ഒറ്റകെട്ടായി ബന്ദു നടത്താം, സത്യാഗ്രഹ സമരം നടത്താം. ഈ കീടനാശിനിയെ ഈ നാട്ടില്‍ നിന്നും തുരത്താം!
അതൊടൊപ്പം ഒരു കാര്യം കൂടി അന്വേഷിക്കണം. കേന്ദ്ര മന്ത്രിമാര്‍ പറയുന്നതില്‍ വാസ്ഥവം ഉണ്ടൊ എന്നു കൂടി അന്വേഷിക്കണം.ഹെലികൊപ്റ്ററില്‍ വിതറിയതു കൊണ്ടാണൊ വിഷബാധയുണ്ടായത് എന്ന മന്ത്രിയുടെ പരാമര്‍ശം ശരിയാണൊ?
കാസര്‍കൊഡ് കീടനാശീനി വിതറിയവര്‍ ഉപയൊഗ ക്രമം പാലിച്ചിട്ടുണ്ടൊ? അതും അന്വേഷിക്കണം.

വിഷുവിന്റെ അടയാളം

വീണ്ടുമൊരു വിഷുക്കാലം വരവായി.ബാല്യത്തിലെ വിഷുക്കാലം ഓര്‍ക്കുംബൊള്‍ പൊള്ളുന്ന ഒരു അനുഭവമാണ് മത്താപ്പുവെളിച്ചത്തിലെന്നപൊലെ തെളിഞ്ഞുവരുന്നത്.അച്ചന്‍ വാങ്ങിത്തരാറുള്ളത് പൊട്ടാത്ത ഇനം പടക്കങ്ങള്‍ മാത്രമായിരുന്നു. കംബിത്തിരി, മത്താപ്പൂവ്, മേശപ്പൂവ്, തുടങ്ങിയ അപകടരഹിതമായ ഇനങ്ങള്‍ മാത്രമടങ്ങിയ ഒരു ചെറിയ പൊതിയാണ് അച്ചന്‍ കൊണ്ടുവരാറുള്ളത്. അയല്‍ വീടുകളില്‍ മത്സരിച്ചാണ് പടക്കം പൊട്ടിക്കുന്നത്. സന്ധ്യയൊടെ ‘പടപട‘ ഘൊഷം ചുറ്റുപാ‍ടും മുഴങ്ങി തുടങ്ങും.സന്ധ്യക്ക്, അത്താഴം കഴിഞ്ഞ്, പിന്നെ പുലര്‍ച്ചെ കണികണ്ടു കഴിഞ്ഞ് ,ഇങ്ങനെ പല ഘട്ടങ്ങളായി കരിമരുന്നു പ്രയൊഗം ചുറ്റുപാടും തകര്‍ക്കും.ഒന്നാം വിഷു, രണ്ടാം വിഷു, മൂന്നാം വിഷു ഇങ്ങനെ സ്റ്റൊക്ക് തീരുവൊളം അവര്‍ പടക്കം പൊട്ടിക്കും ! അയല്‍ വീടുകളിലെ സമപ്രായക്കാരായ ഉണ്ണിയും, അശൊകനും ,പൊട്ടിച്ച പടക്കങ്ങളുടെ വര്‍ണ്ണന നടത്തുംബൊള്‍ അസൂയ തൊന്നിയിട്ടുണ്ട്.
അച്ചന്‍ വാങ്ങിത്തരുന്ന പടക്കങ്ങള്‍ കത്തിക്കാന്‍ ഞങ്ങളെ അനുവദിക്കാറില്ല. അയല്‍ വീട്ടിലെ ബാ‍ബു ചേട്ടനാണ് അതിന്റെ ചുമതല. എനിക്ക് കംബിത്തിരി പൊലും കൈയില്‍ പിടിച്ചു കത്തിക്കാനുള്ള ധൈര്യമില്ലായിരുന്നു.ഒരു നീളമുള്ള വടിയുടെ തുംബില്‍ കംബിത്തിരി കുത്തിനിറുത്തും.എന്നിട്ട് വടി നീട്ടിപ്പിടിച്ചാണ് കംബിത്തിരി കത്തിക്കുന്നത്.
കംബിയില്‍ കൊര്‍ത്ത് കത്തിക്കുന്ന ഒരു തരം ചക്രം ഉണ്ടായിരുന്നു അക്കാലത്ത്. ബാബുചേട്ടന്‍ കംബിയില്‍ ചക്രം കൊര്‍ത്ത് തീ പിടിപ്പിച്ചു.തീ പിടിച്ചാല്‍ ചക്രം ഒരു തീ പൂക്കളം തീര്‍ത്തുകൊണ്ട് കംബിയില്‍ കിടന്നു കറങ്ങും.നല്ല ഭംഗിയാണ് അതു കാണാന്‍ !ഞങ്ങള്‍ അകന്നാണിരിക്കുന്നത്. ചക്ക്രത്തിനു തീ പിടിച്ചു ! കഷ്ടകാലത്തിന് ചക്രം കറങ്ങിയില്ല. കറങ്ങാതെ ഒരൊറ്റ ചീറ്റല്‍. ചീറ്റിയത് തീ ആണെന്നു മാത്രം ! ആ തീ മുഴുവനും വന്ന് വീണത് എന്റെ കാലിലാണ് . അതൊടെ വിഷു ആഘൊഷം കലങ്ങി.പ്രഥമ ശുശ്രൂഷ എന്തൊക്കെയൊ ചെയ്തെങ്കിലും ഫലിച്ചില്ല.കനത്ത പൊള്ളലായിരുന്നു.ഇടതു കാല്‍മുട്ടിന്റെ പിന്‍ഭാഗം പഴുത്തു വ്രണമായി. കുഴുപ്പിള്ളീ‍ സേന്റ് വിന്‍സന്റ് ഡി പൊള്‍ ആശുപത്രിയിലായിരുന്നു ചികിത്സ.ആശുപത്രിയിലെ മേശപ്പുറത്ത് കമിഴ് ത്തി ക്കിടത്തി , കൈയും, കാലും അറ്റന്‍ഡര്‍മാര്‍ അമര്‍ത്തിപ്പിടിച്ച് വ്രണം തേച്ചുകഴുകുംബൊഴുള്ള പ്രാണരക്ഷാര്‍ത്തമുള്ള ആര്‍ത്തനാദം ഇപ്പൊഴും കാതുകളില്‍ മുഴങ്ങുന്നു.അച്ചച്ചനാണ് ആശുപത്രിയില്‍ കൊണ്ടുപൊകുന്നത്. ആശുപത്രിയില്‍ നിന്നുള്ള മടക്കയാത്രയില്‍, ദേവസ്വം നടയിലെ ഒരു ചായക്കടയില്‍ നിന്നു അച്ചച്ചന്‍ ചായയും, ഒരു ബൊണ്ടയും വാങ്ങിച്ചു തരും.ബൊണ്ട ആദ്യമായാണ് തിന്നുന്നത്. നല്ല രുചിയായിരുന്നു.വേദന സഹിച്ചാലും, ബൊണ്ട തിന്നാമെന്നുള്ള കൊതിയൊടെ മനസ്സില്ലാ മനസ്സൊടെ ആശുപത്രിയിലേക്കുള്ള ആ യാത്രയെക്കുറിച്ചൊര്‍ക്കുംബൊള്‍ നല്ല രസം !
പൊള്ളലേറ്റ ആ പാട് ശരീരത്തില്‍ നിന്നും മാഞ്ഞില്ലെന്നു മാത്രമാല്ല , എസ്. എസ് . എല്‍ . സി. ബുക്കിലും ഈ അടയാളം രേഖപ്പെടുത്താനിട വന്നു.അങ്ങനെ ആ വിഷുക്കാല സംഭവം ജീവിതത്തിലെ മായാത്ത അടയാളമായിത്തീര്‍ന്നു.
വിഷുപ്പക്ഷികള്‍ ഇപ്പൊഴും പാടുന്നു ! കൊന്നമരങ്ങള്‍ പൂവണിയുന്നു !വിഷുവിന് ഇന്നും ഒരു മാറ്റവുമില്ല.കാലമെത്ര കഴിഞ്ഞാലും , മായാത്ത അടയാളം സമ്മാനിച്ച കുട്ടിക്കാലത്തെ ആ വിഷുദിനം ഇന്നൊരു വേദനയല്ല.പൂത്തിരി കത്തിക്കുംബൊഴുള്ള ആഹ്ലാദം പൊലെയാണ് !

ഭാരത് മാതാ കീ ജെയ്

ലങ്കയൊട് പൊരുതി ലൊകകപ്പ് സ്വന്തമാക്കിയപ്പൊള്‍ ഓരൊ ഭാരതീയനും ആഹ്ലാദിച്ചു.ജാതി ,മത, വര്‍ണ്ണ വര്‍ഗ വിഭാഗീയതകളില്ലാതെ നാം ഭാരതീയര്‍ ത്രിവര്‍ണ്ണ പതാക പാറിച്ചു.കേരളത്തില്‍ തെരഞ്ഞെടുപ്പു ഗൊദായില്‍ പൊര്‍വിളി മുഴങ്ങി കൊണ്ടിരുന്ന സമയത്താണ് ലൊകകപ്പ് ഫൈനല്‍ മത്സരം നടന്നത്. പരസ്പരം ചെളി വാരിയെറിഞ്ഞും, നുണകള്‍ പ്രസംഗിച്ചും എതിരാളികളെ കരിവാരിതേച്ച് അങ്കത്തില്‍ ജയിക്കാന്‍ ചേകവന്മാര്‍ പതിനെട്ടടവുകളും പയറ്റുന്നു.ചില സ്ഥാനാര്‍ഥികള്‍ , തങ്ങള്‍ക്കും ക്രിക്കറ്റ് അറിയാം എന്ന് ജനങ്ങളെ ബൊധ്യപ്പെടുത്താന്‍ പ്രചരണത്തിനിടെ ടിവിക്കു മുംബില്‍ ചെന്നിരിക്കുന്നതും കണ്ടു.വിജയാഹ്ലാദം പങ്കുവെക്കാന്‍ ഇവര്‍ പരസ്പരം ഹസ്തദാനം ചെയ്യുന്നതു കാണാന്‍ കൊതിച്ചു പൊയി.ഇന്‍ ഡ്യ വിജയ കിരീടം ചൂടിയപ്പൊള്‍ നാം ഭാരതീയരാണ് എന്ന സന്ദേശം പരത്താന്‍ ,രാഷ്ട്രീയം മാറ്റി വെച്ചുകൊണ്ട് ഭാരതപതാക ഒരുമിച്ചു നിന്ന് ഉയര്‍ത്തി പിടിക്കാന്‍ ഉമ്മന്‍ ചാണ്ടിയും, അച്യുതാനന്ദനും തയ്യാറായിരുന്നെങ്കില്‍ രാഷ്ട്രീയക്കാരുടെ ദേശീയത പ്രകടമാകുമായിരുന്നു. എങ്കില്‍ കേരളീയര്‍ സബാഷ് പറയുമായിരുന്നു. കേരളത്തില്‍ എങ്ങും എതിര്‍ സ്ഥാനാര്‍ഥികള്‍ ഇങ്ങനെ ചെയ്തതായി വാര്‍ത്ത കണ്ടില്ല.എങ്ങിനെ സാധിക്കും?അധികാരക്കൊതി മൂത്ത് അന്ധത ബാധിച്ചവര്‍ക്ക് എന്തു ദേശീയത? എന്തു രാഷ്ടീയ പ്രബുദ്ധത?

ഇവനാണ് ക്യാപ്റ്റന്‍

ലൊകകപ്പ് നൂറ്റീരുപത്തൊന്ന് കൊടി ഭാരതീയര്‍ക്ക് സമ്മാനിച്ച മഹേന്ദ്ര സിംഹ് ധൊണി എന്ന ചെറുപ്പക്കാരനെ ഭാരതീയര്‍ക്ക് മാത്രുകയാക്കാം।കപ്പ് കൈവിട്ടു പൊകരുതേയെന്ന് ഭാരത ജനത ഉള്ളുരുകി പ്രാര്‍ത്ഥിച്ച ആകാംഷാഭരിതമായ നിമിഷങ്ങളില്‍ അവസാന ഓവറിലെ ആ പന്ത് ആകാശത്തേക്ക് ഉയര്‍ത്തി അടിച്ച് പന്തിന്റെ പ്രയാണം വീക്ഷിച്ചു കൊണ്ട് ധൊണിയുടെ ആ നില്‍പ്പ് ! അതൊരു കാഴ്ച്ചയായിരുന്നു।ആപല്‍ഘട്ടത്തില്‍ , പൊരുതാനുള്ള ദൌത്യം ഏറ്റെടുത്ത ആ നായകന്റെ മാത്രുകാ പരമായ ധീരതയും, നിശ്ചയ ദാര്‍ഢ്യവും സമചിത്തതയും അഭിനന്ദനം അര്‍ഹിക്കുന്നു।പിന്നീട് സച്ചിനെ തൊളിലേറ്റി കളിക്കാര്‍ മൈതാനം വലം വെക്കുംബൊള്‍ ആ കൂട്ടത്തിലൊരാളായി നടന്ന ധൊണിയുടെ മുഖം ശ്രദ്ധിച്ചൊ? ഇന്‍ ഡ്യക്ക് മറക്കാനാവാത്ത ആ വിജയ മുഹുര്‍ത്തം സമ്മാനിച്ച ആ നായകന്റെ മുഖത്ത് വിജയൊന്മാദമില്ല, ആഹ്ലാദ കണ്ണീരുമില്ല ! നിസ്സംഗ ഭാവം ! യുദ്ധം ജയിച്ചു കീരീടം ചൂടാന്‍ പൊകുന്ന രാജ കുമാരന്റെ ശാന്തത നിറഞ്ഞ പ്രൌഢിയായിരുന്നു ആ മുഖത്ത്। സൌമ്യം, ദീപ്തം !ആ ക്യാപ്റ്റന്‍ നമുക്ക് മാത്രുകയാവണം।

കൊച്ചിയില്‍ ഒരു സായാഹ്നം

കവിത

ഗൌരിലക്ഷ്മിയുടെ മൂന്നു കവിതകള്‍
മഴ
മഴ വന്നു,മഴ വന്നു,
കാറ്റും,മഴയും വന്നു.
ഇടിയും മിന്നലും വന്നു
ആളുകള്‍ കുട നിവര്‍ത്തി നടന്നു
വഴികളില്‍ വെള്ളം നിറഞ്ഞു.
കുളവും, പുഴയും നിറഞ്ഞു.
മഴ മാറി, കാറ്റു്മാറി
മഴയമ്മാവന്‍ പൊയി
സൂര്യമാമന്‍ വന്നു.

അസ്തമയം
സൂര്യനസ്തമിച്ചു
അംബിളി മാമന്‍ വന്നു
ആളുകള്‍ വീട്ടിലേക്ക് പൊയി
മൂങ്ങയമ്മുമ്മ മൂളി വന്നു
വാവലുകൂട്ടങ്ങള്‍ വന്നു
താരക പെണ്ണുങ്ങള്‍ കണ്ണൂ ചിമ്മി
തൊണിക്കാ‍രു പൊയി
എല്ലാവരും പൊയി

കേരളം
കേരളം എന്റെ നാട്
കേരളം എന്റെ നാട്
കൈകള്‍ കൂപ്പി ഞങ്ങള്‍ പറഞ്ഞു
കേരളം എന്റെ നാട്
ഓണം വരുന്നു
ഉത്സവം വരുന്നു
പൂലികളി വരുന്നു
വള്ളം കളി വരുന്നു
കേരളം എന്റെ നാട്
കേരളം എന്റെ നാട്.

കവിത

ഹരിശങ്കറിന്റെ കവിത
ഉത്സവം
സ്വര്‍ണ്ണ മരത്തില്‍ കൊടിയുയര്‍ന്നു,
ചെണ്ട മേളം മുഴങ്ങി,
അംബലമുറ്റത്താളുകള്‍ നിറഞ്ഞു
ബലൂണ്‍ കച്ചവടക്കാര്‍ വന്നു
കുട്ടികള്‍ വട്ടം കൂടി.
ആണ്‍കുട്ടികള്‍ തൊക്കും, കാറും വാങ്ങി
പെണ്‍കുട്ടികള്‍ വളയും പൊട്ടും വാങ്ങി,
അമ്മമാര്‍ വളയും, ചാന്തും, കുപ്പിവളയും വാങ്ങി
തിടംബു കേറ്റി ആനകള്‍ നിരന്നു
ഉത്സവം തുടങ്ങി, മേളം മുഴങ്ങി,
തകതിമിതൊം,തകതിമിതൊം.

എന്റെ സ്കൂള്‍ ഡയറി - 4

ആഷ്വിന്റെ കഥ

സ്നെഹ പരിലാളനങ്ങള്‍ മാതാപിതാക്കളില്‍ നിന്നും ആവൊളം ആസ്വദിച്ച് വളരുവാനായീരിക്കും എല്ലാ കുട്ടികളും കൊതിക്കുന്നത്. അമ്മ വെച്ച് വിളംബുന്ന സ്നെഹച്ചൊറുണ്ണുക ! അച്ചന്‍ വാങിത്തരുന്ന പുസ്തകങ്ങളും, പേനയും ബാഗിലാക്കി സ്ക്കൂളില്‍ പൊകുക ! പരീക്ഷക്ക് തൊല്‍ക്കുംബൊള്‍ അച്ചന്റെ ശാസന കേട്ട് ചൂളുക...ഏതൊരു കുട്ടിയും ഇങ്ങനെ ആയിരിക്കും. കൂട്ടുകാരുടെ അച്ചനൊ, അമ്മയൊ ക്ലാസ് പി. ടി. എ കളില്‍ വന്നുപൊകുന്നതു കാണുംബൊള്‍ ജൊസഫ് ആഷ്വിന്‍ മൊഹിക്കുന്നുണ്ടാവും അച്ചന്റേയും, അമ്മയുടേയും സാമീപ്യത്തിന്റ് വില!

മാതാപിതാക്കളുടെ സാമീപ്യം അനുഭവിച്ച് വളരാന്‍ ഭാഗ്യം ലഭിക്കാതിരുന്ന കുട്ടിയാണ് ‍ആഷ്വിന്‍ . ആ‍ ഒരു കുറവായിരിക്കാം അവനെ കൂട്ടം തെറ്റി അലയാന്‍ തൊന്നിച്ചത്. തെമ്മാടിത്തത്തിന് കിട്ടിയ സമ്മാനമാവാം എട്ടിലെ തൊല്‍വി. തെമ്മാടികളുടെ ഒരു ചെറുസംഘം ആഷ്വിനൊടൊപ്പം തൊറ്റ് എട്ടാം ക്ലാസ്സിലിരുപ്പുണ്ടായിരുന്നു. എട്ട് ഡി സ്കൂളിലെ കുപ്രസിദ്ധമായ ബാച്ച് ആയിരുന്നു. ആഷ്വിനും സംഘവുമാണ് ഈ കുപ്രസിദ്ധിക്ക് പിന്നില്‍ പ്രവര്‍ത്തിക്കുന്നത്. രക്ഷകര്‍ത്താവായി അമ്മമ്മ എത്തിയപ്പൊഴാണ് ആഷ്വിന്റെ കുടുംബവിശേഷങ്ങളറിയുന്നത്.

അച്ചനും അമ്മയും വഴിപിരിഞ്ഞു. ആഷ്വിന്‍ അമ്മയൊടൊപ്പം പൊന്നു. താമസിയാതെ അമ്മ ജൊലി തേടി ഗള്‍ഫില്‍ പൊയി. അമ്മമ്മയുടെയും , അങ്കിളിന്റെയും സംരക്ഷണയിലായി ആഷ്വിന്റെ ഭാവി.

തെമ്മാടിത്തരത്തിനു മാത്രമല്ല, ലഹരിവസ്തുക്കളുടെ ഉപയൊഗത്തിനും അടിമയായിക്കഴിഞ്ഞിരുന്നു ആഷ്വിന്‍. ഫൊര്‍ട്ട്കൊച്ചിയിലാണ് ആഷ്വിന്റെ അമ്മ വീട്. ഒരു കിലൊമീറ്ററൊളം ദൂരമേയുള്ളു അച്ചന്റെ വീട്ടിലേക്ക്. സ്കൂള്‍ വിട്ട്, ബസ്സിറങ്ങി ആഷ്വിന്‍ എന്നും വൈകീട്ട് അച്ചന്റെ വീട്ടിലേക്ക് പൊകും.അച്ചനെ കാണും.അച്ചനൊടൊപ്പം കുറെ സമയം ചെലവഴിക്കും.പിന്നെ വീട്ടിലേക്ക് തിരിച്ച് പൊകും. കുറെക്കാലം ഈ രഹസ്യ സന്ദര്‍ശനം തുടര്‍ന്നു.വൈകിവരുന്നതിനെ കാരണം അന്വേഷിച്ച് അമ്മമ്മയും ,അങ്കിളും കാര്യം കണ്ടെത്തി.അച്ചനെ കാണുന്നത് അവര്‍ വിലക്കി.അങ്കിലും ആഷ്വിന്‍ ഇടക്കൊക്കെ അച്ചന്റെ സ്നേഹം തേടി രഹസ്യ യാത്ര നടത്തും.

അമ്മമ്മയാണ് രക്ഷിതാവായി സ്കൂളില്‍ എത്തുന്നത്. കാലിന്‍ സുഖമില്ലാത്ത,നടക്കാന്‍ ക്ലേശിക്കുന്ന അവര്‍ ബസ് യാത്ര ചെയ്ത് സ്കൂളില്‍ എത്തും. ആഷ്വിനുണ്ടാക്കുന്ന കുഴപ്പങ്ങള്‍ക്ക് പഴി കേള്‍ക്കാന്‍, അല്ലെങ്കില്‍ പരീക്ഷയുടെ മാര്‍ക്ക് അറിഞ്ഞ് വിമ്മിഷ്ടപ്പെടാന്‍.

ആഷ്വിനെ എട്ടില്‍ നിന്നും, ഒംബതില്‍ നിന്നും കരകയറ്റി പത്താം ക്ലാസ്സിലെത്തിച്ചു. ആ കുട്ടി നന്നായി വരക്കും. പൂക്കളമത്സരത്തിന്റെ ചുമതലക്കാരനാണ്. ഡിസൈന്‍ ചെയ്യുന്നതിന്റെയും , പൂക്കള്‍ വാങുന്നതിന്റെയുമൊക്കെ ചുമതല ആഷ്വിനെ ഏല്‍പ്പിച്ചപ്പൊള്‍ ആ മുഖത്തു വിരിഞ്ഞ ചിരി കാണേണ്ടതായിരുന്നു. ഈ വര്‍ഷം ഓണപ്പൂക്കളം ഒന്നാം സ്ഥാനം പത്ത് ഡി. ക്കായിരുന്നു. അഷ്വിന്റെ നേത്രുത്വത്തില്‍ കൂട്ടുകാര്‍ ഒരുക്കിയ മനൊഹരമായ ഡിസൈന്‍ ! കംബ്യൂട്ടറില്‍ പ്രസന്റേഷന്‍ തയ്യാറാക്കാന്‍ നല്ല വൈഭവമാണ് ആഷ്വിന് . ആഷ്വിന്‍ അനിമേഷന്‍ കൊടുത്തു തയ്യാറാക്കിയ സ്ലൈഡുകള്‍ മറ്റു കുട്ടികള്‍ കൌതുകത്തൊടെ നൊക്കി കാണാ‍റുണ്ട്.

പത്താം ക്ലാസ്സിലെത്തിയപ്പൊഴേക്കും നേര്‍ വഴിയിലേക്കുള്ള യാത്ര അവന്‍ ആരംഭിച്ചതായി എനിക്ക് തൊന്നി. എങ്കിലും, ആ പഴയ കൂട്ടുകെട്ടുകളിലേക്കും, ചിന്തകളിലേക്കുമൊക്കെ ഇടക്ക് മടങ്ങി പൊകാനുമുള്ള പ്രേരണയും നടക്കുന്നുണ്ട്. കഴിഞ്ഞ ദിവസം ,ക്ലാസില്‍ വെച്ച് ഞാന്‍ ആഷ്വിനൊട് ചൊദിച്ചു.

“ അഞ്ച് ആഗ്രഹങ്ങള്‍ പറയാമൊ ?”

ആഷ്വിന്‍ എഴുന്നേറ്റ് നിന്നു പരുങ്ങി.വിഷാ‍ദത്തില്‍ പൊതിഞ്ഞ നിഷ്കളങ്കമായ ഒരു ചിരി അവന്‍ സമ്മാനിച്ചു.കാര്‍മേഘം മറച്ചു വെച്ച ചന്ദ്രന്റെ വെട്ടം പൊലെ!അവന്‍ കുറെ ആലൊചിച്ചു.ഞാന്‍ നിര്‍ബന്ധിച്ചു. കുട്ടികളും പ്രൊത്സാഹിപ്പിച്ചു.പിന്നെ ആദ്യത്തെ ആഗ്രഹം വെളിപ്പെടുത്തി.

“പഠിക്കണം.. ജയിക്കണം !”

എല്ലാവരും കൈയടിച്ചു.

ഇനി രണ്ടാമത്തെ ആഗ്രഹം പറയൂ ?”
അല്‍പ്പസമയം കഴിഞ്ഞ് ആഷ്വിന്‍ രണ്ടാമത്തെ ആഗ്രഹം വെളിപ്പെടുത്തി.
“ഒരു വീട് പണിയണം.”
വീണ്ടും കുട്ടികളുടെ കൈയടി.
“ഇനി അടുത്ത ആഗ്രഹം കേള്‍ക്കട്ടെ”
“എല്ലാവരേയും നൊക്കണം”
കൂട്ടുകാരുടെ തകര്‍പ്പന്‍ കൈയടി!
അപ്പൊള്‍ ഞാന്‍ പറഞ്ഞു : ആഷ്വിനു വേണ്ടി അങ്ങകലെ കഷ്ടപ്പെടുന്ന അമ്മയെ , അരികിലില്ലെങ്കിലും സ്നേഹിക്കുന്ന അച്ചനെ , അമ്മമ്മയെ, അങ്ങനെ എല്ലാവരേയും , അല്ലേ?”
അവന്‍ തല കുലുക്കി.
ബാക്കി രണ്ട് ആഗ്രഹങ്ങള്‍ കൂടി പറയാന്‍ പ്രേരിപ്പിച്ചെങ്കിലും ആഷ്വിന് കഴിഞ്ഞില്ല.
ആഷ്വിന്‍ എസ്.എസ്.എല്‍ .സി. പാസാകും എന്നു തന്നെയാണ് ഞാന്‍ കരുതുന്നത്. ഇപ്പൊള്‍ ദുശ്ശീലങ്ങളൊക്കെ നിറുത്തിയിട്ടുണ്ട്.സ്വന്തമായി ഒരു ഇടം വേണമെന്ന ചിന്ത വന്നിട്ടുണ്ട്. പഴയ ശീലങ്ങളിലേക്ക് തിരിച്ച് പൊകാതിരുന്നാല്‍ രക്ഷപ്പെടും.
അമ്മയുടെ സാമീപ്യവും, അച്ചന്റെ തണലും അനുഭവിക്കാതെ വളരുന്ന എത്രയൊ കുട്ടികളുണ്ട്. സ്നേഹവും, ശ്രദ്ധയും കിട്ടാതെ വരുംബൊഴാണ് അവര്‍ വേറെ വഴികളിലൂടെ സഞ്ചരിക്കുന്നത്.